終於。。。都要踏上呢條路，仲記得十多年前結婚當日，只有130幾磅，點知後來中年發福、壓力太大、食冇定時、大魚大肉等原因，攪到成80kg有多！
直至早排做咗個body check，醫生話我肝酵素好高、壞膽固醇又偏高、血糖都札界，我真係驚咗！有陣時番工放工碌下碌下又一年，就算身邊幾多人話過我，自己就算都知道係問題，但係自己就係不斷拖延，直至見到個數先至識驚。
人老咗，做好多嘢都提唔起勁，想隻眼開隻眼閉就算，不過今次都真係殺到埋身，唔可以唔理囉！將件事放上嚟，都係希望大家鬧吓我，Mon 住我，等我唔好咁易放棄囉😂
以前成日同阿媽講，如果我唔駛番工我一定減到肥😅但係今次冇得揀，一定要認真去做一件事，其實已經開始咗一段時間，由80.3到78.7，都算係一個好開始，我唔期望去得番130磅，只係想過得健康D 啫！得閒再同大家報榜啦😜
#減肥系列 #自減肥企劃
Search